موضوع: رمضان مرحبا بك الأحد أغسطس 10, 2008 7:48 pm
حملة رمضان جديد ( رمضان السنادي أحلى رمضان في حياتي ) رمضان السنادي غير كل حياتي
لازم تصلح نفسك : إصلاحات قبل رمضان .
1 – إصلاح علاقتك بالله عشان ربنا يفتح عليك .
لازم تعرف إن فيه خمس سنن في فن معاملة الله :-
1-على قدر مقام الله عندك على قدر مقامك عند الله
2 – من جعل همه هو الله كفاه الله هم كل شيء _ {إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ }فصلت30
3 – لا تلتفت عن الله فيلتفت الله عنك ( لازم تعرف أن أول عقوبة تنزل بتنزل على القلب )
4 - لا تؤثر شيئا ً على الله فيعذبك الله به {لَّوْلاَ كِتَابٌ مِّنَ اللّهِ سَبَقَ لَمَسَّكُمْ فِيمَا أَخَذْتُمْ عَذَابٌ عَظِيمٌ }الأنفال68
5 - لا تبدل فيبدل الله عليك{فَبَدَّلَ الَّذِينَ ظَلَمُواْ قَوْلاً غَيْرَ الَّذِي قِيلَ لَهُمْ فَأَنزَلْنَا عَلَى الَّذِينَ ظَلَمُواْ رِجْزاً مِّنَ السَّمَاء بِمَا كَانُواْ يَفْسُقُونَ }البقرة59 ... ممكن يكون سبب راحتك يتدبل ويكون هو مصدر عذابك .
2 إصلاح علاقتك بالقرآن : لازم يكون شعارك لن يسبقني إلى الله أحد .
وهنا عندنا مشروعين :
أول مشروع : مشروع الفائقين . ورد قرآن يومي فتتفوق فيه تفوقا ً . بمعنى خلي القرآن في الشهرين دول كل حياتك ليل مع نهار متصل بالقرآن ، وردك يتقسم لجزئين جزء بالنهار وجزء بالليل
بعد كل صلاة ربع أو ربعين قرآن لكن , خلي بالك أهم شيء الخشوع ، عايزين نربط قلبنا بالقرآن .
المشروع الثاني : حضر وصلي اسمع وصلي اقرأ وصلي
لك ورد يومي ، جزء مثلا ً ، إما هتحضر هذا الجزء من المغرب للعشا من أي سلسلة ولتكن سلسلة تفسير القرآن وبالمرة تاخد كتاب في عليين وتصلي بيه بالليل ، أو تكتفي بسماعه من شيخك الذي يؤثر فيك أو تقرأه لكن , مش هنسى الخشوع .
3 - إصلاح حال قلبك مع الله .
لازم تحافظ على كل عمل بتعمله مع الله ، إوعى تتكلم ولا تفعل ، جه وقت الفعل : {يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ }الصف2 وصدقني لو لم تعمل كل إلي في قلبك هيروح منك .
* اعتبر قلبك منطقة عسكرية ، مافيش حاجة ممكن تقرب ، وتذكر وانت بتقول اللهم نقني من خطاياي
* استئصل أي مرض في خفايا قلبك الآن بدل ما يفاجأك بعد كدة
4 – إصلاح الهمم والهمة :-
عارف قصة لما عبد الله بن سلام جالس مع الصحابة وهم يقولون لو إني أعلم أكثر مايحبه الله لفعلته فنزلت : {يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ }
صدقني كتير بيتكلم وبيقول نفسي أعمل ونفسي اشتغل بس مش لاقي فرصة ، إوعي تقول كدة إعمل إلي تقدر عليه وإلي متاح الآن وصدقني هتلاقي أمامك متاح بس إنت اصدق في النية ، أي عمل متاح لك بدل بصدق نية أكيد ربنا هيحبه منك .
* إوعى تفوت طاعة ممكن تعملها لله ، إوعى ، حاذر إوعى تترك مجال للسبق إلى الله
قارن : كانهم بنيان مرصوص ، وكأنهم خشب مسندة .. الأول بيصف المؤمنين ، والثاني بيصف المنافقين .
* لازم تعرف على قدر سبقك لله على قدر عطاءات الله لك . وتفوقك في الدين .
* لازم تعرف إن الحل جواك ، إوعى تقف في علاقتك مع الله ، كمل مهما حصل ، حتى لو وقعت قوم وواصل
6 - إصلاح هدفك : -
متقولش أنا داخل الدين عشان عايز ، لأ إنت بتعمل للدين عشان تعطي ، الدنيا مش مجال عطاء .
7– إصلاح البنية الأساسية لديك :-
لازم تأسس نفسك صح ، تأسس هدفك صح ، خلي بالك إن أساس العمارة هو إلي بتقوم عليه العمارة ، برغم إنه الجزء الوحيد إلي محدش بيشوفه ، عشان كدة اهتم بقلبك ، اهتم بإصلاح الهدف بداخل قلبك ، ابدأ في بناء نفسك ، خلي هدفك أكبر من مجرد خطوة هتعملها
* إعرف إن الدين مراحل ، ولازم تحدد مرحلتك صح ، وعلى أساسها هتبدأ
* وعشان هو مراحل لازم تواظب عشان ترتفع من مرحلة للي فوقها .
قواعد جدول خطوة أولى إلتزام :
1 - التلبية الفورية فور سماع الآذان ، وتذكر أن الحج مبني على كلمة لبيك ، اقطع كل حاجة في حياتك ، متقولش خمس دقائق وأقوم ، مش ربنا إلي يتقله استنى خمس دقائق وأجيلك ، طبق الحديث : كأنه لا يعرفنا ولا نعرفه ، خلي بالك إن الآذان خمس ابتلاءات لك ، ياترى هتلبي ولا ؟
2 - ورد قرآن .
3 - السنن الرواتب .. ممكن تضيع بيت في الجنة .. ممكن تضيع ركعتا الفجر خير من الدنيا وما فيها
4 - صلاة الوتر ... ثواب فرض .
5 – ركعتي الضحى .
6 - أذكار الصباح والمساء .
7 – أذكار بعد الصلاة .
8 - الصيام ... الإثنين والخميس بدل ماتصدم في نهار رمضان بفشلك في الصوم لطول النهار .
9 - سنة السواك .
10- القيام .
8 – إصلاح أو استصلاح جوارحك : -
خشوع قلبك من القرآن ، بكاء عينك من الخشوع |، توقف لسانك عن كل مايسيئ ، لا تسمع أذنك إلا ما يزيدك إيمانا ً ... مينفعش تعصي ربنا بحاجة خلقها ليك ... لازم تتوب .
9 - إصلاح قدر الدين في قلبك :
أخطر نقطة . لازم يكون دينك أغلى عندك من حياتك ، شوف أم كلثوم بنت عتبة بن أبي معيط لما آمنت ووالدها فرعون من فراعنة هدم الدين في مكة وكتمت دينها ورفضت الزواج وهي بنت زي أي بنت نفسها تتزوج ، وهاجرت بعد صلح الحديبية ، لوحدها في طريق كله قطاع طرق ، كانت عارفة إنها ممكن ترجع ، ممكن تتقتل ، لكن مهمهاش شيء إلا دينها ، ونزلت فيها سورة الممتحنة ، والإمتحان العظيم إلي مرت بيه ، خلي بالك كل واحد فينا هيمحتن ، ياترى هيكون دينه أغلى عنده من أي شيء ؟؟؟؟؟؟
لما يكون تلبية النداء لديك أغلى عندك من صفقة بمليون جنيه
خلي بالك لما يكون عندك أقل قدر من الدين أغلى عندك من أعظم قدر من الدنيا .... ساعتها هتوصل
ساعتها ... إن شاء الله توصل
10 - إصلاح قيام الليل والدعاء :
إوعى تيجي في رمضان تلاقيك سقطت في إمتحان القرآن والقيام ، لأنك في 11 شهر قبل رمضان نمت ، جالك كرمبات رمضان ، مش قادر تتأمل في القرآن ، مش قادر تكمل مع الإمام
لازم نهتم يا جماعة ، قبل ما ننكسف أمام انفسنا في رمضان .
تلك إذ ًا عشرة كاملة
الخطة : رمضان = قرآن ودعوة وصنائع معروف
الواجب :
* ربع قرآن بعد كل صلاة بخشوع .
* مشروع حضر وصلي أو اسمع وصلي أو اقرأ وصلي .
* مشروع التدريب على الصيام : بصيام إثنين وخميس .
* مشروع الأسر
* مشروع الدعوة إلى الله _ وإيقاظ النائمين _ خمس شرايط كل أسبوع على المكيروباصات ونشر القضية
الأحد أغسطس 10, 2008 7:48 pm
لازم تصلح نفسك : إصلاحات قبل رمضان . 
– إصلاح علاقتك بالله عشان ربنا يفتح عليك . 
وهنا عندنا مشروعين : 
قواعد : 
قواعد جدول خطوة أولى إلتزام : 
الخطة : رمضان = قرآن ودعوة وصنائع معروف